( الحكاية الثانية عشرة : ما بين الحــب و الكراهية -الجزء الاول )ص110

ازيكو يا شباب ويا بنات القسم

منورين منورين منورين .. بس خفوا النور شوية الكهربا بقت غالية اوي
قبل ما اتكلم عن اي حاجة .. انا طبعا عندي مفاجأة جامدة اوي اوي اوي ..

شريكتي الامورة بنبونة القسم (نونا Nonababy) هيا اللي هتكون معايا هنا و عايز اجدع سلام ليها يا جدعان دي بقالها فترة صايمة عن المواضيع..

سمعني يبني ضرب النار .. لا اكتر كمان .. دي نونا يابني

احنا انهاردة جاينلكوا و معانا موضوع جامد اوي اوي اوي

الحب والناس..(الحكايه السابعه : الحب والحرام ) ص49

.. الحب و الناس ..
فكرة و اعداد :محمد (simao_11) -------- التقديم و المتابعة :نونا (nonababy)

الناس حكايات ..
كل يوم بنسمع حكاية ..
وطبعا كلنا بنحب نتكلم عن اي حد (أحسن شعب نمام وحياة ربنا) ..

و كل واحد يقول: والله انا لو كنت مكانه انا كنت كذا .. و كذا ..

بس صوابع إيدينا مش زي بعضها ..
ربنا خلقنا مختلفين ..
كل واحد فينا ليه شخصيته .. وتربيته .. وطباعه ..
عشان كده عمر ما تصرفاتنا اتشابهت .. دايما فيه نقطة مميزة ..

إنهاردنا موضوعنا عن الحب و الناس ..
حكايات العشق و الهيام و الغرام مع ظروف الحياة المختلفة بين الناس بمشاكلهم اللي مبتخلصش ..
الحب زي اي بنى ادم بيتشكل مع الظروف ومع الناس ..
حكاياتنا فيها اللي حصل بجد ..
وفيها اللي جه في بالنا و كتبته إيدينا ..
موضوعنا عنهم (هو & هي) ..
بس اكيد كل واحد فينا ليه تصرف في كل حكاية مختلف عن التانى ..

ياتري لو كنت مكانه/مكانها كنت هتعمل إيه ؟؟

و ده الكتالوج بتاع موضوعنا بالصلاة عالنبي :

كل يومين (إن شاء الله) هنحكي حكاية ..
مرة عن تصرف اعضاءنا البنات في الحكاية دي ..
ومرة عن تصرف اعضاءنا الولاد في الحكاية التانية ..
وطبعا مفيش مانع الولاد يرزلوا عالبنات و البنات ترخم عليهم و يردوا في حكايتهم ..
و هتكون معاكوا نونا في حكايات البنات ..
وهيكون محمد معاكو في حكايات الولاد ..
وهنرزل إحنا كمان ع بعض متخافوش .

يلا يا جماعة هستنى رد فعلكم ومشاركتم في كل حكاية ..